VIII

 

      Egin ezazu lo. Lotan jendeak ez du iruzurrik egiten. Ametsetan inork ez du irriparrik egiten.

 

      Begiak hertsirik, ezpainak zabalik, bihotza isilik, zure edertasun osoan ikus zaitzaket. Hitzik politenez gorputza laztanduko dizut. Arnasarik hartu gabe besarkatuko gara. Zure ametsetan hildoak egingo ditut, ilargiak maitasunezko haziak landa ditzan. Gure maitasunean sinisten baduzu, aski da. Ez zaitez gehiagotaz kezkatu.

 

      Gaueko leuntasunarekin egin ezazu lo. Goizeko xoriak ihintzaren leuntasunez esnatuko zaitu.