(kitarraren hariak espetxeko

                           burdinak bihur ditezke)

 

Mutil baten abestia

odolezko malkoak

bere neska maiteari

behin ixuri zizkion,

eta kitarraren hariak

kartzela bihurtu ziren.

 

Isilik negarrez dabil

harotz baten itzala,

maitasunezko abesti bat

abestu nahi eta ezin,

eta kitarraren hariak

kartzela bihurtu dira.

 

Kitarrari oroimenak

indarra eman dio.

Musu batzuen negarra

dabil kitarra jotzen,

eta kitarraren hariak

kartzela bihurtzen dira.

 

Nota bat eta nota bi,

eta hainbeste musu

maitasunezko poeman

gaur bihurtu zaizu;

biharko, poema hori

kartzela bihurtuko da.

 

                                                AZAROAK-14