HOTS HIGUINGARRIA DU NIRE IZENAK.

 

Hibai lardaskatuen antzera,

usain txarra, nazkagarria dario.

Nazkatu egiten nau neure izenak;

higuindu egiten nau...

 

Ondo jarritako izena dut, ordea;

ondo dagokio nire buruari,

ezin hobeago dagokit...

Zikinei izen zikinak dagozkie, bada.

 

Kakari «kaka» esaten ohi zaionez,

norberekeriari «norberekeria» izena jarri ziotenez,

zapalketari «zapalketa» izena ipini zaionez,

niri neure izena eman zidaten...

 

Eman zidaten...

hibai lardaskatuen antzera...

hots higuingarria duen...

izen nazkagarri hau...

lorerik gabeko izena...

nigarrez ureztatutako izena...

heriotzez hospeturiko izena... JUSTIZIA!