«Eta gauean lo iraunen dugu,

                                            ta goizean erne,

                                            geure nahia lortu arte,

                                            geure bidera iritsi arte.»

                                                                   Mijail Muayma

 

 

HARRIAN ESERIRIK NAUZUE, SO.

Baina ezin itzuri diot

bideko gizona izateari.

 

Zuek, deiadar egiten dizuedan horiek,

nire barruan sartuta zaudete

ta bidea nirekin batetara egiten duzue.

 

Askotan... bideertzean utzi nahi izan zaituztet

(zikinkeriatik alde ene soineko txukunak!)

baina beti neure burua aurkitu dut

zuekin lohi putzu berberean.

 

Ez dakit noizbait neure mintzoa,

lokatz hauetatik urrundurik,

betierako ta garbirik biziko denentz.

 

Orain ta hemen, ordea, zuekin dago

lohi honek hezurretaraino blaiturik

ta xahutzeko gogo ta desio gaberik.