Ama ta guda

Udaberriko begian

Itzultsen da enada

Uda azkenen utzi zuan

Bere txoko maitera.

Baño guda gogorrean

Il dan seme gaxoa

Ez da ez inoiz itzultsen

Amatxon besotara.

Amatxo negar ta negar

Miñez il bearrean

Ta gorpu bere semea

Urrun lur-arrotzean.

Ajolaz ta maitasunez

Asitako semea

Ia beti dollorkeriz

Diot kentsen diela.

Ia beti menpetseko

Iñorena dan lurra

Gorrotogarri eginik

Odolez gorrituta.

Amarena zoritxarra

Asirik seme ederra

Diotenean «gudan

Il da zure semea».

                        Ondarrabi, 1925