Laminen argia

Goizero dakus goiztarrak

Sorkaldean izar ederra,

Ta egunero euskoak

Larrunen argi diztia.

Axular dauka izena-ta

Ziñez da goragarria,

Euskoen izendegian

Izen omengarriena.

Ez iñoren ejenpluak

Ezpada barrengo suak,

Idatzi eragin dioz

Ain idazti mamintsuak.

Beronen «Geroko gero»

Izan dalez izango da,

Euskaldun idaztietan

Idaztirik diztiena.

Goitik dator gizonentzak

Beroa ta osasuna,

Axulartik euskerantzak

Omena ta argi bizia.

Bere biotz ta buru-doyak

Ezagutu nai ditunak,

Irakurri dagizela

«Geroko gero»n orriak.

Euskeraren iturria da

Bere idazti mamintsua,

Beinere leortzen ez dan

Iturri garbi gardena.

Zugarramurdi dakusgu

Aldi baten omengea,

Gezurrez ta sorginkeriz

Kendu zielako omena.

Baña Axularrek damayo

Tolesturik goramena,

Pitxi ederrena bai-da

Sarako apaiz bikaiña.

Bazterrak argitu gabe

Noiz egon da argi bizia?

Augaitik erluzietan

Gaur dago Euskalerria.

Gaur Saratik zabaltzen da

Euskalerrian argia,

Axular idazle dala

Argi orren iturria.

                        Ondarrabi, 1925