Abereakaz ere erruki

Mandatari ninjoala

Irten zait bidera,

Etxadi baten ondoan

Txakurtxu polita.

Gorputza eukan beltza berak

Ankatxuk gorrizkak,

Sudur gañean lau begi

Bi beltz ta bi ori.

Ogei oinkada enitun

Oraindik emanak,

Eta itzuli eraz nute

Antziri samiñak.

Txakur onginaitsuari

Gazte anker utsak,

Arrikada gogor batez

Ausi dioz azurrak.

Eta txakurtxua antziriz

Etxerantza doya,

Lurren narraz daramala

Iztar apurtua.

Aberekaz ere erruki

Badio Jainkoak,

Aberekaz orren anker

Zergaitik gizonak?

Ankertasunez aberek

Minduten ditunak,

Etor daikez sinistera

Ludian eurentzat

Pizti edo abereak

Direla guztiak.

                        Ondarrabi, 1924