Ameriketan

Zertarako etorri naiz ni

Iparrameriketara,

Utzirik neure erri maitea

Emen itun bizitzera?

Mendi artean beti bakar

Ardi galduan antzera,

Nai ezkero txanponik bota

Iñoiz aurrezki kutxara.

Gau ta egun basamortuan

Basapiztien antzera,

Iñoiz mesarik entzun gabe

Urtebarritik zarrera.

Bein ta berriz damu detala

Etorri nintzan eguna,

Biotz iluna alaitu nayan

Uri ondora nijoa.

Emen ere gogoa txarto

Ta txanponak txartoago,

Gaztau erazten daustelako

Irabazi ta geyago.

Zertarako etorri naiz ni

Iparrameriketara,

Utzirik neure erri maitea

Emen itun bizitzera?

                        Ondarrabi, 1925