Autarki-dirua

Iñaki gizon zintzo ta eliztarra

Benetako euskalduna,

Autarki saldu eragin diote ta

Orra oin illun-artega.

Kistarra ta euskaldun utsa izatea zan

Beti aren ikurriña,

Ta ikurrin onegaz leyal izatea

Zan beti bere ametsa.

Nikasio autarkierosle billauak

Nekau arte ekin ondoan,

Ezin erosi iñolaz aren autarki

Auteskunde aroetan.

Azken auteskundietan Nikasiok

Gizon maltzurren antzera,

Lenagoko bidek utzirik egin du

Asmatu bide berria.

Baratz deuneko sugearen antzera

Erakutsiaz diru pilla,

Iñakiren emaztea atzipetuta

Iritxi du autarkia.

Iñakiren emaztea artega dabil

Egun bat eta bestean,

Nikasiori autarki ematera

Senarra ekarartean.

Eta ia azpertua egoanean

Eta usterik ezaukala,

Nikasiori autarki ematera

Ekar ei zuan onela.

Bein autarki ordez eskeiñiko diruz

Senarrari itza dagio,

Ta senarrak oinazpin zapalduteko

Ori da ona darautzo.

Geure ta umen zapatetan joango da

Autarki diru ori-ta,

Oingoan Nikasiori emayozu

Neuregaitik autarkia.

Olako irtereak eder egin dio

Gure Iñaki zintzoari,

Ta ordu txarren eman zion berak

Autarki Nikasiori.

Autarki diruagaz zapata pilla

Erosi du emazteak,

Eta urrengo jayan urira dijo

An gozatzeko asmoan.

Egun oso osoa sendo azperturik

Urian igaro ondoan,

Gauen Iñaki etxeratu zanean

Txantxetako ezegoan.

Autarki-diruz erosko gauzak dio

Ez dira deuz ezetako,

Oinazpian zapalduta ere oiña

Erreko dizuelako.

Ta kendurik oiñetakoak len-bai-len

Bota zituan urruti,

Zin egiñik autarkia ez saltzeko

Bere bizian iñori.

                        Ondarrabi, 1924