Agur mintsua

Ama gabeko ume gaxoaz

Arkitu naiz gaur bidean,

Agur nai zidan egin gaxoak

Beintzat ala zirudian,

Baña itun-sotiñak ito zien

Agurra arin estarrian.

Zergaitik Jaunoi laja dituzu

Ainbeste umezurtz ludian,

Negar erbesten erbesteturik

Itunez ito-zorian,

Alai ta pozik iñoiz egote

Eragotzerik agian?

Ene Yosu bizitz-eriotzan

Samin samiñez josia,

Samin guztiak guztatu arren

Umezurtz izan gabea,

Saminegia zalako edo

Ama gabe bizitzea.

                        Ondarrabi, 1928