Jaunarekin ari

ZURE MINAK...

Zure minak nere min,

nere minak zure min,

banabil ni zurekin.

Nork ez du bizian

zer paira, zer jasan?

Nolako bakean

minez min nabilan

elgarren minetan?

Zure minak nere min,

nere minak zure min,

banabil ni zurekin.

Ez erran ez dela

bertzentzat bezala:

Jainkoak duela

ekartzen, arintzen

nere min ixila.

Bai bihotz, bai gogo

ni baitan niago,

nerekin dena min

Jainkoa baitago,

mina dut gaitzago.

Zure minak nere min,

nere minak zure min,

banabil ni zurekin.

Gaitzago dut mina,

gozoa gaitzena;

jasaiten, gainditzen,

garraitzen duena:

ni baitan zu Jauna.

23-7-76