EZA NUNDIK HEZI?

Gogor dagon bihotza

                nola kraskarazi?

Itsutuaren eza

                argiz nundik hazi?

Zabal dezaken hitza

                nola sar-arazi?

Jauna, kausi baneza...

                eza nundik hezi?

Zu denetan zabiltza,

                bihotzetan bizi:

Badakizu bihotza

                nola jauz-arazi.

Hartan, Jauna, zu mintza:

                egin dezan jauzi.

Ezak zer duen giltza

                neri asmarazi.

Jainkoak barnez barne

                guziak badazki;

Ez du nahi halere

                bortxatuz ideki.

Eskale baten pare

                atean lañoki,

Bera zabaldu-arte

                da gaupez egoiki.

Apal-apal baitago

                Jainkoa kanpoan,

Zenbatez apalago

                behar dut nik izan.

Hor da Jainkoa Jainko

                nerekin atean:

Ez denez idekiko,

                otoitz ixilean.

7-1-76