ODABO

        (Ikus arte)

Odabo, Mulukiza,

        neskaño beltza.

        * * *

Elizan Jainkoari

        mintzo nindagon;

Entzun dut ttiruri:

        «Aita, egun on!»

Haurñoz inguratua

        hor zinen xutik,

Lurreko aingerua

        kantuz atetik.

«Ez nauzu gaur ezagutzen?»

        eta nik: ezetz.

Harritzekorik ez zen:

        beltz guziak beltz.

Haren begi xabalen

        minaren mina:

«Ez da nitaz orroitzen

        zeruko Jauna?

Oku! Oku! bidean

        egin dautzut maiz:

Egur-keta nabilan

        Malukiza naiz.»

—«Ai! gaixo Malukiza,

        ez naiz Jainkoa:

Harek hain du bihotza

        handiagoa...

Jauna bihotz onean

        nausi baitzaiku,

Egin hari bidean

        zerurat: Oku!

        * * *

Odabo, Malukiza;

        Jaunari mintza.

Zañanado-n, 15-2-77