EZ NAIZ GEHIAGO...

Ez naiz gehiago pertsu kantutan ibilki;

bainan bihotza berdin bizi zait alaiki,

Kristoren lagun doanarentzat baitaki

              bizia zoin den olerki.

Kristorekilan egin ta jasan guziak

ixilka dire zeruko pertsu-haziak;

han lora ditzan olerki zora-garriak

              gu bakotxaren biziak.

Jaun Zerukoak Euskal-Herria maite du.

Haren nahia zinez egiten bagindu

balakike bai, ibiliz jende ta mundu,

              nola gu lagundu.

Hoakit, bihotza, Jaunak nahien nahian

den olerkirik olerkiena sortzean,

ohart-gabeko pertsu ixil hoik ditzadan

              zerurat-eta nik eman.

1-4-75