BELTZARENTZAT...

Beltzarentzat bizitzea:

        biziaren jatea;

harentzat zeruratzea:

        argi hurrupatzea.

Urfai auzoko Beltzak

        jakin duenean

etzanik nindagola

        ezin jan ez edan,

auhenka etorri da:

        otoi! jan dezadan.

Dahometar Beltz hori

        bihotz onekoa:

eskuetan harturik

        arrosarioa,

goiz-arrats du neretzat

        otoiztu Jainkoa.

Ikasi dueneko

        xutik nindoala,

agertu zait goretsiz

        Jaunaren ahala:

Hari aintza lurrean,

        zeruan bezala!

Beltzarentzat bizitzea:

        biziaren jatea...

Zañanado-n, 13-2-77