Biltzarre bat

                        Erroma-n

ZOIN EDER...

        Zoin eder gozatzea

        Erroma-n iluntzea.

        Zoin ezti gozatzea

        iluntzean haizea.

Zoin neke zaitan, zoin dorpea

bero saparen jasaitea;

uruski baitut iluntzean

fraide xurien baratzea.

        Zoin ezti gozatzea

        iluntzean haizea.

Ainitz jaun handi dut ikusten:

heiek mintzaldi, nik izerdi.

Bakotxaz nago: ez ote den

amaren ume, ume handi...

        Zoin eder gozatzea

        Erroma-n iluntzea.

Hiri handiko burrunbetan

ixilik dago baratzea;

eta nik hantxet gogoetan

zoin laket dutan kantatzea!

28-9-73