Ameriketarat itzuli den

                        ilobari.

BAZABILTZA...

  Bazabiltza herriz herri

  miragarriz miragarri...

Bazabiltza beti kurri

  gauza berriz egarri.

  Bi begien asegarri

  deramazun bizi horri

  ez diozu nahi jarri

  ez lokarri, ez neurri.

  Begietan sar nahia

  zinuke zuk lur guzia;

  barneraino jan nahia

  munduaren mamia.

  Bazabiltza herriz herri

  miragarriz miragarri...

Bazabiltza beti kurri

  gauza berriz egarri.

            * * *

  Mila jende, mila gauza

  mirestean bazabiltza,

  hori unki, hura goza...

  hutsa duzu bihotza.

  Bi begien asegarri

  deramazun bizi horri

  ez diozu nahi jarri

ez lokarri, ez neurri.

  Denak eta denen dena

  goza nahiz zabiltzana

  hutsa zaude, hutsak jana,

  ez zareno emana.

1-3-76