OTOITZEAN... EREMANA

Ama, ama, Jainkoak zaitu

        bihotzean hartu:

Otoitzean hegalez hegal

        eremana zaitu.

Behakoa urdin urdina

Jainko Jauna miresten ari,

Behakoa urdin urdina

        beha beti neri.

                Ama, ama! ...

Hor zineno ezin errana:

zuri esker naiz apeztua.

Hor zineno ezin errana:

        zu ganik dut Sua.

                Ama, ama! ...

Aitak zuen kar gehiegia

hotzik bainan oso zinaukan.

Aitak zuen kar gehiegia

        zuk zinautan eman.

                Ama, ama! ...

«Gure Aita» diotalarik,

orai diot: «Gure Aitama».

Jaunarekin, Jauna baitarik

        amak bainerama.

                Ama, ama! ...

Jainko Aita, Jainko Semea

eta Jainko Izpiritua,

Nitan egon, nitan dudala

        amaren zerua.

                Ama, ama!...

8-4-79

                AIREA: Otoizlari — 92