V

begi ederregiak dituzu

begien ederrean limur nadin

arrunkerien bila nenbilela

bahitu naute

baina lasai

ihes eginen dizut bularretara

lohiaren dardaran jausita

askatzen nauzu

gidari gura nauzu

bidea itsumustuan zabaltzen dizut

zure baietzen mapan

irri, intziri eta hasperenak iparrorratz

ez dut berbarik, libururik behar

bizi gaituen intuizioa antzemateko

sexu gehiago harilkatu genuen

maitasuna kopa txikietan

edaten genuena ikusita