IX

Utzidazu ezpainetako karmina kentzen

emadazu perla berdea une batez,

gaueko nenufareetan murgil zaitez.

Belarri ertzeko zurrumurruez

hotzikaratu gura dizkizut izterrak

oasi galduetan hareazko ekaitz.

Bidaiatu plazerraren hondartzan,

Itsasoratu epela beroa sareratu

munduen amaieran busti

eta maite ala maiteago zaitudan deliberatu

olatuetan galdu orduko.