SUKARRIK

Mukizapi gehiago beharko dut

gaua amaitu orduko.

Ez dut uste

oinak berotzerik izanen dudanik.

Ezin esan argia noiz arte izanen dugun ere.

ltsasotik hur baretzen ari den erreka da,

geldo, indarge,

arean adierazteke,

aurpegi mortua dakar.

Neronek amatako nukeen

duintasun bila banenbil.

Kapa estu hau

harro erakustea baino ez dut alta,

bestalde

nork entzunen lituzke kantu zaharrak

gaua surtondoz jantziko ez balitz?

Orbainak erre eta oinazea arintzeko krema

mesanotxean dago,

prospektu eta guzti.

Ekardazue otoi,

eta erdu gero

loak har nazan argia amatatzera.