GAITZA

banderak astinduta

ateak itxi dituzte

gaitzik sar ez dadin

gaitzek ihes egin ez dezaten

ihes eternalean,

deserri apatikoan

ez baitute sinesten

itxi dituzte ateak

gaitzak aldegin ez dezan

hurbil baino urrunago

gaitz sartzeko

bertan akabatu behar ei da

desegin, erre

ahaztu gaitzik izan denik ere

bere bazterrean bakartzea,

txertoa lantzea ere

gaitzak joen sintoma dugu

zelan sortu ate berri bat gure barne?

ihesik ez egiteko itxita,

ate zehatz eta doituak behar dira

ez ikusi ateak dakarrela gaitza

atea, marko kirastua gaitza

olio lar daukan koadroa hesituz