II

Argazkiaren erdian

mosu bat bidali dizut

ezpainen argira.

Ala esan ezin dena diosten

harribitxiak dira?

Hurbildu eta herabe,

itaun leuna luzatzen didazu,

erantzunak areago maitemindu legez

zorion anpulua aterako dizulakoan.

Batzutan bidea zabaltzen digu haizeak

berdin, elea eztarrian eteten zaigu,

berriz, mesedez, berba mutuak

oro biltzen den susmoz.

Horregatik,

bigarren zatiak okerrak direlako beti

ostera ez dagoelako maitaleen hiztegietan

ezer ez, arean bai,

biltzen da hori guztia.

Gauza txiki,

isil

eta heze hori.