XII

ez ezazu malkorik isuri nigatik

herriaren negarra mintzen duzu bihotza

ahanztura erreka bizkorra da

haranean behera harri maitaleak bazter higatzen dira

anartean desioak ahoa irudikatu zizun

eztiz eta debeku perfumez

lurrindu zintuen

masaileko loratan umotuta besarkatu

irribarreari anpulu batek

dirdira dramatikoa eman dio

muki gardenen lotsaz maite zaitut

koxizu paperezko zapia

eta udaberritu itzazu begiak

mundua udaberritu dadin