PORTU BAKARTIAK

antigoaleko arrantzale herrixkak

herabe umiltzen dira

kilometro luzeko hondartzetan

garabi uherrak anpulutan

pasuko zornotza zahar bihurtuta

uharteko ferryen kai

nork dantzatuko ez duten soineko bakartiak

etsipena

aurrera begiratzeko ezgai

uharteko aduanetan mugarritu da

itsas zabalaren gogoa

gau ederrenetan ere

kresalezko kantuak

basa iraganak ekarriak

hor dagoz harro

iparreko uretako marinelek

begiztatzeko faroak

kontinenteko begiei lepoz

goizero pilatzen zaizkigu turista saldoak

sartaldetik datozen auto ilarak

iparreko azken ontzia noiz jaso

herri bakoitzak

gure portua,

gure ferrya

gure uhartea daukagu

nork berea

galoi bako kapitainok

itzulera hitseko zahar jendea biltzen dugu bueltan

itsas beheran

uhartez uharte jauzika dabiltzala

sumatu ezinik