XVI

antzina desagertu haiz

ehun ordu bai gutxienez,

zazpi mila mende joan dira domekatik

eta ezetz zioten egunkariek,

munduak ez duela errurik

bide bihurriak direla gureak

gaitzak elkar gurutzatzeko,

ez ei zagon gerrarik

ez ei haiz desagertu

ez zakinat seguru zer hobetsi

oroitzapenak sekula izango ez dugun

itsasoak diren legez

ez zakinat nor haizen

bertsio ofizialak eta prentsa oharrak

makilatzeko ispiluz irakurtzen ikasi dinagu