XI

Zalantzaren diktaduran makurtu gabe zabiltzate

zu ezagutu eta idatzi nien

kosmobisio urbano

politikoki bat ere ez zuzena

sekulako irreberentzia moduko berbakaz

laudatu zizkidaten lerroak

gure literaturako kritikoek

baina amaiur

ez zaitez haserratu

bisturi eta orratzez lerroak irentsita

oinazea hedatzen genuela ere bazioskuten

oinazea ulertzen ala bizi genuen galdetzeko antzu

eta antzu amaiur

zarena jakiteko

bularretan gorde eta isurtzen didazun

poesia aztertzeko

poesia ez zela

mendi eta haranen bestalde

lekorean daukazun altxorra

usaintzea bezain ezinbesteko

baldin argiak eta ilunak

zure mozorrorik ez badakarte