XXII

zangoen arkupera gatibaturik

zure konfidantzaren boterea

dario ene gorputzari

artista oliotan

pintzel finenez markatzen zaitut

nola atzamarrak errepideak xedatzen

koadroko ñabarduren egarriz

azalean izurretan jostari nabil

irudi busti

erreka oihesera

bilatzen dizut

ekaitzean murgildu guran

zelan zehaztu kolorerik

pasioaren mugak lehertzen ditugularik

espirala sakontzen dizut

gerriaren dantza erritmikoan

ipurmasail jasoen lurrikaraz irentsi nauzu

eta aienetan urtuta edaten zaitut

izenik gabeko abangoardien museoan