Apunte eta Ahanzturak
Karlos Linazasoro

Kutxa, 1993

 

 

MIN DAGIDAZU

 

Min dagit zure amore txuriak

gaur arratseko sistole-diastolean.

Zure idazkerak umezurtz uzten du

hitzen bidaia azken noragabetua.

Jakin nuen gauaren gezurraz,

hiriaren mendeku herdoildu eta

mihietan ehoturiko konkupiszentzia urdinaz;

baina ez orain aitzakiarik jarri; ez esan

gorputz haren mugarriak traspasatu nituenik;

ez eskatu orain piz ditzadan itzal

guztien balizko zuziak.

Ez eskatu ezer.

Mugi zaitea apenas instant batez

eta izanen duzu, maitea, zure begien

hegadan, munduko bakardade guztia,

azken lohiaren perfume betierekoa.

 

90-XII-26

 

Apunte eta Ahanzturak
Karlos Linazasoro

Kutxa, 1993