TINTIN

 

Idatzi genuen azken poema

haren klaraboiatik

Tintin irten zen korrika

Mallarméz mozorroturik,

Baroi Beltzaren abaila berberaz

eta Babelgo Dorrean (han non lehen

adulterioaren historia idatzi zen)

Aaron komertziantearekin naipeetara

jokatu zuen Egiptoko piramide eta

Max Beckmannen koadro baten jaurgoa.

Paraguayn auto-stop egin zion gure

Bugatti deskapotableari eta esan zigun,

jaso genuenean, ihesi zebilela Medellingo

pistolero batzuengandik eta asko gustatzen

zitzaizkiola Roy Orbison eta ekaitz egunetako

perfume afrodisiakoa; eta hartua zuela,

era berean (abentura hartatik bizirik

irtetez gerotan), Volga guztia igerian

egiteko erabakia eta Pariseko putetxe

elegante batean behingoz estreinatzekoa.

 

91-V-31