Hatsaren bustia
Auxtin Zamora
Maiatz, Uhargi 12, 1988ko abendua

INKOÑITO BATEAN

Atea ideki diotet,

neure barnean,

nituen hostoeri.

Joan dira airean,

handi mandika,

elgar hunkitu gabe,

bainan lurrean erortzean,

bat besteari lotu,

inkoñito batean.

Beharba oraino,

ikusiko ditut,

bertze behin,

haize kolpe batekin,

erregretaz bezala,

berritz altxatzen,

bainan laster,

betikotz,

egonen dira geldi geldiak,

tinkatuz lurra,

elgarreri josiak.

Hatsaren bustia
Auxtin Zamora
Maiatz, Uhargi 12, 1988ko abendua