Hatsaren bustia
Auxtin Zamora
Maiatz, Uhargi 12, 1988ko abendua

JOSUA

Nebadako desertuan,

bururatzerat dohan,

egunak,

haizearekin,

jelosiaz,

zaflatzen du Josua kaktoa,

ez dizkio barkatzen,

iduzkiari,

sartze suzko tokian,

bere xixtekin,

egiten dizkion,

marra ilun urdinak,

ez dizkio barkatzen,

bakardadean,

buruz buru,

iduzkiari,

erraten dizkion,

«Bihar artino» amultsuak!

Ez, ez dio deus barkatzen!

Bainan futitzen da,

Josua kaktoa!

baitaki,

egunaren hasarre gorriak,

jabalduko dituela, laster,

bere ama beso bihurritsuetan!

Hatsaren bustia
Auxtin Zamora
Maiatz, Uhargi 12, 1988ko abendua