Hatsaren bustia
Auxtin Zamora
Maiatz, Uhargi 12, 1988ko abendua

SASI SUGETSUETAN

arats huntan,

iduzkiak,

garbi utzi dauku,

sartaldea,

zuhaitz abar eta abartxoak,

hosto gabeko sasi sugetsuak

desestekatzen dira,

zeru gorailean;

iduritzen zaut,

ezin urratuzko pentsamenak

dituztela preso beren xixtetan,

eta, sobera luzaz,

uzten badut neure soa,

beren laparretan,

nago ez nauten,

inkontzientzia batean,

berenganatuko.

Hatsaren bustia
Auxtin Zamora
Maiatz, Uhargi 12, 1988ko abendua