Hatsaren bustia
Auxtin Zamora
Maiatz, Uhargi 12, 1988ko abendua

XIPATUA

Haizeak,

deus erran gabe,

eskutik,

ereman daut paisola,

eta urerat bota.

Etxerat sartu,

naizelakotz,

bustia,

neureek,

irri egin didate:

«xipatua nintzela,

xipa bat bezala!»

Bainan,

ez ditut entzun!

Bertze nunbait nintzen,

asmatzen nuelarik,

neure burua,

iduzkitan,

larrua ximurtzen,

eta xipak,

neure paisola azpian,

pausatzen!

Hatsaren bustia
Auxtin Zamora
Maiatz, Uhargi 12, 1988ko abendua