Hatsaren bustia
Auxtin Zamora
Maiatz, Uhargi 12, 1988ko abendua

FUNDI BAIETZ!

Nahi nituzke,

begiak,

Xinesak bezala,

erdi hetsiak ukan,

zuri errateko:

Fundi baietz!

zure ametsak eta neureak,

gau guziz elgar jotzen dutela!

Fundi baietz!

azpiltzun barnetan

gure amultsutasuna jozten dela!

Fundi baietz!

ote laharretan

gure behakoen trapuak lotzen direla!

Fundi baietz!

eskuz esku goatzilarik!

gure izaitearen gibeleko izaitea,

birbiratzen dugula!

Hatsaren bustia
Auxtin Zamora
Maiatz, Uhargi 12, 1988ko abendua