Epifania, Erregeen adorazioa

        18. Jaio Jesus ta amirurgarren eguneko ellegatu zire irur Magoak urrutitik Jangoikoaren inspirazios adoratzera Bethleenen aur dibinoa. Kontatzen du ala S. Mateok Ebanjelioan: Jaio zelaik Jesus Judako Bethleenen, Herodes erregeren denboran, etorri zire Magoak iruzkiaren sortaldetik Jerusalena, galdegiten zutela, Non da jaio dena Judatarren erregea? Zeren ezi ikusi dugu beraren izarra gure leku-aldean, ta eldu gara adoratzera... Aditurik ori, Herodes erregea turbatu ze, ta Jerusalem guzia arreki. Eta bildurik sazerdoteen prinzipalak ta letradunak, konsultatzen zue non bear zen jaio Jesu Kristo. Aiek errespondatu ziote ezi Behleenen: ala baizego eskribiturik Profetaganik... Orduan Herodesek deiturik apart Magoak informatu ze ebeneanik, noiz agertu zekioten izarra: eta bialtzen zituela Bethleena erran ziote, Zoazte, ta informa zaizte ongi aurras, eta aurkitzen duzielaik, biali zadaze mezu, joateko ni ere arren adoratzera. Errege aditu ondoan joan zire aiek andik; eta ara non ikusten duten izarra beren alzinean ellegatu arteo lekura, non zegon aurra, ta baratzen dela gain gaiñean. Ikusteareki izarra alegratu zire gozo andiareki: eta sarturik etxe edo etxola gartan aurkitu zute aurra bere Ama Mariareki: eta paraturik lurrean auspeska adoratu zute: ta ofratu ziote present urre, inzensu, eta mirra: eta izanik abisu ez itzultzeko Herodesengana, berze bide batetik joan zire beren lekuetara. Onaraño dio Ebanjelioak itzez itz. Orai errepara,

        19. Lenbizikoa Jaunaren aldetik izar gura, kidatzeko beregana errege gaiek. Gure izarra espiritualkiro da fede kristioaren argia ta doktrina ematen diguna ezaumentu Jangoikoas ta Jesu Kristos, ta beraren gauzes. Bigarrena aien aldetik obedienzia, segitzeko dilijent Jaunaren deia. Irugarrena turbatze gura Herodes ta bere gisakoak, alegratu bearrean. Laurgarrena berek berzeei erakuste gura non bear zen jaio Salbazalea, ta alaere deskuidatzea berak geldi galdus eskalda ona. Borzgarrena Herodesen falsu traidore hipokrita, beterik biotza malizias, naiz mia on iduri: adoratzeko nik ere, zio, baña akabatzeko, zue intenzioa. Baña nork engañatu Jangoikoa? Seigarrena irurgaien konstanzia segitzean billa, ta premio ona aurkitzea. Zori onekoak aiek, baitare imitatzentutenak segitzean konstante Jangoikoaren bideas. Zazpigarrena errate gura aurkitu zutela Jesus bere Ama Mariareki: bai, ezi Maria duenak bere izain du Jesus ere. Zorzigarrena adoratze gura auspeska erreberente: Ori in bear dugu lurreko arttoek Jangoikoaren presenzian maiz paratuz auspeska lurrean adoratzen bere Majestadea. Bedratzigarrena ofratze gura presentak aur dibinoai dagozkionak ongi; urreareki mostratus errege dela, inzensuareki Jangoiko, ta mirrareki gizon mortala. Guk ofra urre biotzezkoa amoresko afektoak ta obra onak: Inzensu orazioa, deseo, ta antsiak Jangoikoagana: Mirra mortifikazioa, penitenzia, ta pazienzia. Daizke ere errepara misterio gontan bortz jende-mota: Batzuk billatzen zutenak Jesus, ez ones, bai gaitzes ilarazi naies, nola Herodesek ta bere gisakoek: alakoak dire infielak, herejeak, kristio falsu hipokritak. Berze batzuk sarturik beren iteko, bizio, ta banidadeetan etzutenak ajolarik Jesus onas, jaio edo ez jaio: segi aiek burus bera infernurat: ala orai asko munduko farraskerietan zebaturik, ta Jangoikoas atzendurik. Berze batzuk pasatzen etxola garren aldakatik, sartu gabe, edo sarratra bat egin bidanabar deboziorik gabe: orra kristio epelak fede guti ta karidade gutiago dutenak. Berze batzuk Artzai, ta errege gaiek estimatu ta adoratu zutenak amore andiareki, ta ala logratu asko grazia: Alakoak dire kristio sanduak. Berze batzuk kontino estimatu, onetsi, ta kuidatu zutenak aur dibinoa, aiek zire Maria Santisima ta S. Josef Aingirueki: non da alakorik?