IRUDI XVI GARRENA

Lehenburu, Aita Josep, Ramon

        LEHENBURU

Araneder hill da diote mendian,

Fexo andirekin etsaien erdian!

Zure aitak Ramon, berak egin utsak,

Odola emanez ditu edertuak.

Emendikan arat garbi du izena.

Bazter guzietan, andi du omena.

Guziek lorios an ikusi dute.

Arrek erran itzak aipatzen dituzte.

Nere bazterrean zu nere semea

Geldituko zare ontasun jabea.

        RAMON

Aita, zurea naiz; zuk erran bezala!

        LEHENBURU

Ni ganen naiz beaz deitzerat Karmela!

Guraso guziak nai dut etor daiten;

Gertaira andi au emen adi zaten.

Arek egin duen, an eriotzea

Aditu zazue.

        RAMON

                  Aita, Karmelari,

Errozu kuxian guziz dela neri.

Pozik eta goibel izanen naizela,

Bainan arendako bihotza dutala.