IRUDI IV GARRENA

Lehenburu, Araneder

        LEHENBURU

Eta zer diozu Ganix Mendizabal?

        ARANEDER

Ni nago zurekin deus ez egin ahal,

Mendietan diren gure gazteentzat,

Aita Lehenburu, deus ezta neretzat,

Deus ez mundu untan, deus ez miñagorik,

Nola bi gazte ikustea galdurik!

Oraindik bederen, nere bihotzean,

Ez banu sentitzen, nik zer egin dutan,

Egonen nintake nigarrez bakean,

Izanik lausenga, miñaren tokian.

Baiñan, nola goza gozorikan gabe,

Izanik arima zorigaitzez jabe.

Nola, gau tristean, egin lo gozoak,

Burua betetzen duenian kexoak.

Ezta neretako gozamen osorik.

Arima guzia daukat, zauriturik.

        LEHENBURU

Jaungoikoa baitan emazu bihotza,

Zure Ramonentzat egiñik othoitza.

Arkituko duzu, barnean bake bat

Zure miñendako behar den bezinbat.

        ARANEDER

Baiñan bere griñak nau dena betetzen,

Egun guzietan bihotza xautzen.

Zuk aurren gainean nigar iten duzu,

Baiñan zure baitan bakea dakazu.

Gizonak barnean ote du pairatzen,

Bederen ariman bake du kausitzen.

Arimaz ordian ez badago garbi,

Griña batendako jasaiten ditu bi.

Nion eztu gero goxorik billatzen,

Bere baitan ditu griñak erabiltzen.

Toki guzietan miñak daramatza,

Ardi kolpatuak sasien arantza,

Barnegi sartua, dabillan bezala.

        LEHENBURU

Beaz zure miñak eginez ahala

Ez dire kenduko.

        ARANEDER

                        Barnegi sartuak,

Nere baitan dazkat, eta goortuak.

A bazindakizu, zuk emen nor naizen,

Ez nintake egon zurekin mintzatzen.

        LEHENBURU

Bere bihotz miñak oso du gainditzen

Eta men berean burua nahasten.

Zer balio du zu dena xautzea,

Eta zure baitaz bihotza galtzea?

        ARANEDER

Erran bear zaitut, ba, bizkitartean,

Nik zuri lenago zer egin zaitudan.

        LEHENBURU

Neri zuk maitea, neri zerbeit egin,

Barkatua zaitut bihotz guziekin.

        ARANEDER

Bainan ez dakizu zer barkatzen duzun.

        LEHENBURU

Neri zer doakit, zu zare beardun,

Zorra kentzen zaitut.

        ARANEDER

                        Barkatuko nauzu?

        LEHENBURU

Barkatua zare.

        ARANEDER

                        Baiñan zer zare zu.

Gizon edo Jainko! gu guziak aurrak

Gare zure parez. Erran itz ederrak

Ederki badio! Nauzu barkaturen!

Bihotz nik len illak, orain nau pizturen.

Beaz Jauna baitan arturik indarra,

Adi zazu nitaz, zer den gizon erra.