IRUDI X GARRENA

Mendiburu, Lehenburu, Bidegain, Ramon, Karmela

        LEHENBURU

Andikan oiuak nik ditut aditu.

Bainan zer zaizue zueri gertatu?

        MENDIBURU

Baratze xokoan, Jauna balin bada,

Suge ohatze bat; beraz errana da

Eginbide dela zuek ernetzea,

Ez arat gateko; edo garbitzea,

Sugeen arraza.

        LEHENBURU

                      Ori egia duk.

Bainan baratzeak oso garbi dituk.

        MENDIBURU

Ohoiñek etxean sartu nai badute,

Zuri erratea nai duzu; nik uste.

        LEHENBURU

Bainan zer daasak, ire sugeekin.

Zoin ditut ekiek? zer nai ditek egin.

        MENDIBURU

Sugeen azia etxean duzue.

Bizi balin bada laster hill zazue.

        LEHENBURU

Ohoin eta sugez burua betea

Ezin duk errexa ire entzutea.

        MENDIBURU

Jauna!

        BIDEGAIN

            Lehenburu! ez konturik egin,

Orren erraneri? gaizkiz ai da berdin?

        MENDIBURU (Ramon irakustean)

Egia nik diot. Or duzu sugea,

Araneder tzarrak izan du semea.

        RAMON (Lehenbururi belaunikaturik)

Barka zuk nazazu, zeren ez nakien

Unat etortzean, noren aurra nintzen.

Dakidan geroztik, ez nintake egon

Leial, etxe untan, banoa!

        KARMELA

                                  Ez Ramon!

Zaude!

        RAMON

          Araneder! zurekin Karmela!

Oxala zuretzat ixuriz odola

Ill banintz mendian. (Aparte) Jauna zuk nai duzu.

Zure gutizia oso bete zazu.

        LEHENBURU

Zaude Ramon, emen; aitaren gaizkiak,

Berdin zuk egiñez dire garbituak.

        RAMON (otoitzean)

Jaungoikoa barka, zeruan aitari;

Berdin zuk dakizu arimaren berri.

Adios Karmela! Adios maitea.

Nere bihotzaren, hiltzeko galtea.

Zutaz, mundu untan pozik bizi nintzen,

Zutaz auhenetan, oraintxet naiz hillen.

(Ramon ateratzen da, Bidegain ere).