MARINELEN ANDREAK

 

Labankadaz jositako zeru kutsatua,

ezezagun baten harrizko aurpegia,

semaforoan gelditu ez den kotxe horia,

afari soberakin horditua,

ezkaratzeko apalategi zikinak

 

batzuetan gauza gutxi dira

                  benetan axola dutenak

             akaso goizeko garaipen txikiren bat

 

akaso

hurrengo egunean

galarrena burlatu eta

bizirik jaiki garenean,

                                      zaharrago eta tristeago

                                      jakintsuago

baina jaiki egin garela

                        egiaztatzea.

Itxaroteaz gogaiturik dauden

marinel zaharren andreen antzera.