ESPEKULAZIOA

 

Dibortziatuak,

paperik gabeko etorkinak

                       edo paperdunak,

mixeria otzaraka gastatzen duten agureak,

lanpostuz lanpostuko hejirak,

bakardadea bizikide bakar,

hotzak hildako isiltasuna...

 

 

honelakook bizi gara berton.

Ez kezkatu,

ondo konpontzen garen auzokideak gara.

 

 

Normala da

30 metro karratuko hilobiz gainezkako

etartera sartu orduko

zorion hutsa usaindu ahal izatea.

 

hezetasun, zomorro eta malko

hatsarekin batera