MODERNOAK

 

Altuera ertaineko unibertsitariook

koleta eta gafadunak,

ONG batean baino gehiagotan

         ibiltzen zaretenok,

Latinoamerika eta 3. mundua

         beti pentsamenduan,

70. hamarkadako arropak

         imitatzen dituzten arropaz jantziak

foularrak eta kola-kaoak eskuan,

mutil lagun modernoak

         ileapaindegian despeinatu itxura

         40 eurotan lortzen dutenak,

munduko biolentziarekin

                       ondo kontzientziatuak,

karpeta galtzarpean eta

Adidas kirol zapatilak...

 

 

Orain arte bezala

                hipokondriak eta

                            hipertentsioak

         jota

    sekula egon ez zaitezten

poema-engendro hau dedikatzen dizuet.