EZEIN UMEREN AMA

 

Nire ditiburuei darien behazunetik

ezingo da sekula

umerik elikatu.

Belaunaldiz belaunaldi

errepikatu izan den

amatasunaren

erneguzko

                      kondena

erantzukizko

                      katea

soka

 

eten dut nik momentu honetan.

Nire ditiburuei darien behazunetik

ezingo da sekula

umerik elikatu.

 

 

Eta barka nazala mundu honek

ni mundu hau

            barkatzeko gai

 

                                    ez naizen bitartean.