IKASKETA

 

Irakurtzen, idazten,

           batuketak, kenketak,

                      biderketak, zatiketak egiten,

zer den biosfera,

zein urtetan galdu ziren foruak,

 

lisatzen, entxufeak aldatzen,

hormak pintatzen, musukatzen

 

Internetetik zehar nabigatzen

ingelesez berba egiten

Burkina-Faso eta esternokleidomastoidea

                                    non ote dauden

 

bizikletaz ibiltzen, ordua jakiten,

zazpi bekatuak betetzen,

Axularren Gero,

Maria Santzen mina,

artilezko jertseak josten,

amari ulertzen.

 

 

Eta hori guztia ikasi

oraindik ere

nire baliorik handiena

ipurdi eta bular arteko

zalantza oparoa dela

egiaztatzeko.