SEKULA GUZTIAN

 

Egon garen lekuetan

joera dauka gure presentziak

      goldaturik geratzeko:

 

geltoki bateko jesarlekuaren egurretan

oheko izaren zimurren formetan

bide zidorreko orbela zapalduetan.

 

 

Joera daukate habitatu ditugun

lekuek gugan marrazturik agertzeko:

 

paisaje baterako begi-ninien islan

mendiko zapatilen basa sikuan

etxeko zerraila irekitzeko maneran.

 

 

 

Joera daukate, era berean,

            arimara arte

            erraietara arte

habitatu gaituzten pertsonek

arroztasun sentimendua uzteko,

            saiets arteko guztia

            beste batena bailitzan,

harik eta bestelako bihurtu.

 

Harik eta betirako markak utzi,

            marka iharrak

            sekula guztian.