ELIZAKO BURU LEON ANDIARI

Oraindik be kateak

Erroma orretan Leon Gidaria,

loturik dauke? Kartzeleko ateak

eztira irigi?... Au negargarria!

Geyago bere txarrak

entzungo dabez onaren negarrak?

Babil Azkatasuna

Lurraren alde batetik bestera...

ta ezta, bein, yoan oraindik Zugana,

onan kaltezko kateok austera?

Zelan da ain ezbardiña

Azkatasunak eiñiko alegiña?

Ai! baña, zer diñot nik,

Azkatasunak bazaukoz katigu?

berak bazaukoz lokarriz yantzirik?

Tamalez badakigu

seme gazte ta zarrak

nondik datozan kateon indarrak.

Ori da Azkatasuna,

Donea katez lotuten dabena

ta Aita, ai! katigu iminten deuskuna.

Azkatasuna da beran izena.

Ona izenez... benetan...

Ai balitz ona bere egikeretan!

Txarrantzat da ondasuna;

Onantzat zarri dakaz, ai! negarrak-

Deunga danantzat guztiz da biguna

ta onan kaltean dira bere indarrak.

Ori da Azkatasuna,

oyuka or ta emen entzuten doguna.

Beyoa guzurrezko

Azkatasuna lurbira onetatik...

Eztot begirik berori ikusteko...

Nire begiok nai dabe bertatik

Leon Andia ikusi

katerik barik Erroman nagusi.

                        1903-ko Martian