EUSKEREARI

        IL YAKU ARZAK!

Ai, gaurko neurtitz samiñak

dodaz negarrak egiñak!

        Nire lumara

        dator negarra

begietatik ugari,

ta orra yoatzu kantari.

Nire negarrak zugana

doaz, Amatxu laztana,

        esaten Zeuri

        yakula guri

il Arzak, geure laguna

ta zeure seme kutuna.

Antonion biotz ederra

il ta yatzi da lurpera.

        Biotz eder au

        lurrak artu dau,

ai, bere autsezko errayetan!

errai bildurgarrietan!

Biotz au, bizi zanean

emen, lurraren ganean,

        ibil zan zarri

        euskaldunari

kantatzen zeure ontasuna

ta zeure garbitasuna.

Eta orain nire malkoak,

begi negartsuotakoak,

        daoz negar baten,

        zeuri kantatzen

Arzak onaren biotza...

ta Arzak onen eriotza...

                        1904-ko urtean