AMA MARIARI

      O Maria,

      neure argia,

neure poza, neure Ama,

      zeure eguna

      dala ta, ona

kantaz nator zugana.

      Ai, nok leuken,

      neuk nai neunken,

zeruzko abots leguna,

      kantatzeko

      ta ospatzeko

zeure garbitasuna!

      Nor legoan

      zeure ondoan,

entzuten santu-santak

      ta aingeruak

      ta zeruak

eiten dotsuezan kantak!

      Mariari

      ein eskari

kanta ein ezin deutsanak,

      ba kantari

      eztanari

be baki entzuten Amak.

      Gaur Amari

      ein eskari,

ta emongoskuz graziak,

      izateko

      bere antzeko

seme-alaba garbiak.

      Ama zori

      oneko ori

zara benetan Ama,

      ta ezeizu itxi

      asko ez gitxi

loitzen zeure laztana.

      Ta il-orduan,

      oi-buruan

ikus zagidazala,

      neugaz baten,

      guzurtuten

Txerren deunga zitala.