LEGEZKO MAITETASUNA

        EZKONGEI BIEN ARTEKO BERBALDIA

        Neskatilleak diño:

—Maite nozula, maite nozula

zarritxu esaten deustazu,

ta neuk zeu maite zaitudazala

esan daizudan nai dozu.

Maite nozula sinistu daidan,

arren, maitetu nagizu

neuk maitetzea nai dodan eran,

ba zelan egin bakizu.

Zeu ta neu biok maite gaituzan

Jauna begira daukazu,

maitetasuna santututeko

ta egin zorizko ni ta zu.

Maitetasuna Jaun Goiko orreri

biotzez opetsi yozu,

ta Beragaitik maite nozula

erakutsiten botsazu,

neure biotza Beragan dao ta,

Beragan emongo yatzu.

        Mutillak erantzuten deutso:

—Gauza ederra ta gauza andia da

legezko maitetasuna,

ta indar andiko gauzea da ta

indar egiten deuskuna.

Ainbeste urtetan Jaungoiko onagaz

aizturik ibilli dana

ona emen dago gertu egiteko

zeure ta Beran esana.

Jaungoikoagaz aiztuta egon naz,

baña damu dot egona.

Eskerrak zeuri, gogoratu naz

Beragaz, Katalin ona.

Bizi da errian Bere ordezkotzat

iminta daukan gizona;

bizi da oindiño geure abadea,

kristiñau ein ginduzana,

mutikotxutan amaika meza

pozik erason neuntsana,

ta bere eskuak batu dayala

zeurea neureagana.

                        1921-eko urtean