ARRESE, IL EI ZARA!!

        ARRESE FELIPE EUSKEL-OLERKARIARI

Negarrez ezoturik ego zuriak,

Nastaurik malkoz ule zoragarriak...

        Ta arpegi dana

Bustirik era sotil negargarrian,

Agertu yat eskutitz baten erdian

        Geure laztana...

Arako Euskera Amatxu, geure kutuna,

Betiro maite biok izan doguna,

        Ezti bizia...

Etorri yat negarrez dana yantzirik,

Negarren lañoekaz inguraturik

        Gorputz guztia.

Ikaratu naz oso, ikusi-orduan

Amatxu Euskera zarra dagon moduan...

        Dart-dart biotzak

Egin deust bere leku sakonenean,

Uste uste barik entzun dodazanean

        Negarren otsak.

Negarrez esan deutsat: —Laztan laztana,

Zek zakaz era orretan orain nigana?

        Ai, geure errian,

Ama, naiko negarrik eginda nago!...

Ezin neinke negarrik egin geyago

        Bizi guztian.

Amatxu, Euskal-erritik Salamankara

Nire negarren billa etorri al zara?

        Negar barriak

Oin bere?... Amatxu, naiko lenak eztira?

Negarren negarragaz nekatu dira

        Nire begiak.

Zek zakaz baña? Esaizu, Ama kutuna.

Negarrez ona ekarri egin zaituna

        Zer da, maitea?

—Arrese il da, ta dakart oin bere il barri

Mingotsa zutzat, Paulo.... Ezta mirari

        Negar eitea...

                  * * *

Il zara? Il zara, Arrese, Arrese andia,

Euskera Ama zarraren olerkaria?

        Arrese il dala?

Biotzak diñeust ezetz... Ia zeuk be, ia,

Esan eidazu, Arrese, zeure il-barria

        Egia eztala!

                  * * *

Lurrean bizi bada zeure arimea,

Jaso bei berak zeure esku errimea;

        Jaso beiz gora

Zeure min, abo, biotz eta eztarria;

Ta erdu, ia! joten zeure lira zolia

        Aman ondora.

Kantaizu, ta ixilduko dira negarrak;

Kantaz etengo dozuz euron indarrak...

        Biok batera

Asi gaitezan, ia! kantu-kantari,

Pozez inguraturik ein deiten jarri

        Amatxu Euskera...

Ai, baña ori arima ori eztago, urrean,

Emen, ez Bizkayan ez lurran ganean!

        Beti zengozan

Gora adi, ta azkenean goratu zara...

Gorputza emen itxita, goi goyetara

        Arimea yoan zan...

                        Salamankan, 1906-ko Urtarrillaren 19an